Ne kaio’ténhsera
Tsi nikaio’tenhserò:ten
Sha’tehoná:wen kaio’ténhsera tsi na’tehónteron ne Kiokierenhtáhkwen Kanakeráhtshera ne Ahkwesáhshne tánon ne Iokorahtsherá:ien ne Tsi Kaná:taien Tsi ionthonwaientáhkhwa Onhwentsia’shòn:’a tenhontenón:waron tetsiá:ron ne aotonhnhétshera ne tehotiienawá:kon tánon é:so Ká:ien ne aesaia’takéhnha, enwá:ton entkáhawe ne kénh nón:we tánon aonata’shòn:’a skáthne Ahkwesáhshne tánon Tsi Kaná:taien enhshatikwatá:ko ne wahón:nise Tsi thonnonnià:tha tsi ionthonwaientáhkhwa ne Kaná:ta tsi kiorì:waien thí:ken enwá:ton enká:rake enhonthwistónnia’te Ionten’nikonhroria’táhkhwa, Tsi teiontstika’táhkhwa tánon tóka nón:wa enkanonhsó:take enionaktó:take. Entsiakwaka’én:ion tánon entsiakwakwatá:ko kí:ken karihwanó:ron Tehonatateníhen onhwéntsia eniohshennakará:tate ne kwáh aonhà:’a iorihowá:nen Wathwistatáhkwas ratikwatákwa’as kaio’ténhsera ne kénh nón:we. Tsi nikarÌ:wes kwáh ó:nenk ionkwaterihwahserón:ni karihwarò:ron káhshon, enwá:ton eh tá:ke enshatatahén:naren enhshia’tá:rake.
Ónhka akó:wen ne Tsi ionthonwaientáhkhwa Onhwentsia’shòn:’a?
Ne Ahkwesáhshne Tsi ionthonwaientáhkhwa ohén:ton Rotikwatakwenhákie Okióhkwa tánon ne Tsi kaná:taien Tsi ionthonwaientáhkhwa Rotikwatakwenhákie Okióhkwa nè:’e ne ratiia’takwe’ní:io Skáthne raoná:wen nè:’e ne Tsi ionthonwaientáhkhwa Onhwentsia’shòn:’a.

Tekahna’netáhkwen nè:’e ne skáthne raoná:wen Rotirihwanonhwè:’on kén:tho enwá:ton ensetshén:ri. Agreement
Oh nonkié:ren ne tsi nahò:ten roteweiénstha iorihowa:nen?
Onerahtókha 15th, 2016 ne Kanien’kéha Ratitsiénhaien ne Ahkwesáhshne tánon ne Kanèn:raien Nè:’e ne Kanatowá:nen ne Tsi Kaná:taien wahontatshén:naren ne wahón:nise tsi nikiohtón:ne ronaterihwahserón:ni ia’ka:ko ne tekanèn:rake wahatiié:na ahonawénhake nè:’e ne Tsi ionthonwaientáhkhwa Onhwentsia’shòn:’a, onhwéntsia tsi niká:ien ohén:ton raonawenhkénha tánon ronterihwahtenkià:ton ne Shakotiia’takarénies Koráhne. Kioteróhon kí:ken ronaterihwahserón:ni-énska ne:’ ne khók karihwahserón:ni ahatika’én:ion tehotiienawá:kon ahonawénhake tsi na’tehónteron ne iokorahtsherá:ien tánon ne Kiokierénhton Kanakeráhtshera ne sha’tehoná:wen wahatirihwanòn:we’ne ahotiió’ten skáthne aontahonnehtahkwénhake, sha’tehontaterihwakweniénhstha, roti’nikonhraién:ta’as tánon aka’nikonhriióhake tsi rotirihwahseronnihakie rotikwatakwenhakie tánon shotikwatakwenhákie nè:’e ne Tsi ionthonwaientáhkhwa Onhwentsia’shòn:’a.
Ónhka iakoterihwahtenkià:ton ne Kaio’ténhsera?
The Port Lands is a uniquely large and complex development project. To facilitate administration and ensure continued momentum, in 2020, the Co-Owners engaged the administrative services of ACCFutures, an organization with a well-established history of acting as a connector and representative for both communities. ACCFutures is known for delivering meaningful engagement and defining strategies that lead to real, measurable results, and is committed to advancing this project to the mutual benefit of all parties.
Oh ní:ioht ne kaio’ténhsera tsi wathwistatáhkwas?
Tsi Kaná:taien-Ahkwesáhshne Tsi ionthonwaientáhkhwa Wathwistateweièn:ton
Tsi Kaná:taien-Ahkwesáhshne Tsi ionthonwaientáhkhwa Wathwistateweièn:ton Ne Tsi Kaná:taien-Ahkwesáhshne Tsi ionthonwaientáhkhwa Wathwistateweièn:ton wahatíhsa ahonten’nikòn:raren ne ohwísta rotiienná:’on ne Ronwatiia’takarénies Koráhne tsi wa’thontá:ton ne ronahtenkià:ton nè:’e ne Tsi Kaná:taien Tsi ionthonwaientáhkhwa Rotikwatakwenhákie Okióhkwa (ne “CHDC”)nè:’e ne Okióhkwa nè:’ ne Kanáthen ne Tsi Kaná:taien tánon ne Ahkwesáhshne Tsi ionthonwaientáhkhwa Rotikwatakwenhákie Okióhkwa (ne “AHDC”) nè:’e ne Kanien’kéha
Ratitsiénhaiens ne Akwesáhshne. Kí:ken ohwísta enwá:ton enwátston eligible ensathwistahní:non kiatén:ro ne Tewahtká:wen Waterihwahserón:ni shiská:rahkwe ne Ohiarí:ha 30, 2016 nè:’e ne Tsi kaná:taien-Ahkwesáhshne Tsi ionthonwaientáhkhwa Thonateróhon/ Ne karihwahserón:ni wathró:ris ne énhontste ne kahwístaien Tsi niió:re Ohiarí:ha 27, 2026 tóka ó:ni Ohiari:ha27, 2030 tóka shí:ken sha’tékene ienhshotirihón:ti tsi waterihwahserón:ni enhonnón:ni ne 2025
Ne aohrihwá:ke ne Onhwéntsia
Ne Tsi ionthonwaientáhkhwa Onhwentsia’shòn:’a tho ní:wa ne ià:ia’k iawén:re iokwèn:rare ne Ken’ní:wa tsi ionhwentsiatákie, teká:neren ne ohné:ka, tánon ne ronthwistonnià:tha tsi ionthonwaientáhkhwa. Tsi wahoná:ti ne Tsi thonnón:ni kaniataraktónkie, ón:wa wenhniseraténion ne tsi ionthonwaientáhkhwa í:non tekónteron khók róntstha ne otsire’kó:wa, tsi ní:ioht ne í:non teká:ron enhatinatahrè:na ne ronathonkarià:kon watenriioskó:wa otsire’kó:wa tóka ó:ni Kontihnenié:sons otsire’kó:wa.Tsi ní:ioht ne raoná:wen ienhontkáhtho tsi nén:we, tenwatonhnhaté:ni ahonthwistónnia’te, Ionten’nikonhroria’táhkhwa, tánon tehontstikáhwhas raoná:wen (skáthne ne aón:ton ahontenonhsonniánion).
Ne Tsi ionthonwaientáhhwa Onhwentsia’shòn:’a. Ken’nikakarésha tsi nikiawèn:’en
Shahatíhsa wahonnón:ni tsi kana’tsheratákie ne 1956, kén:tho ratinakerénion ohén:ton rón:nete wahatirihó:wanahte wahonterien’tatshén:ri nè:’e ne Tsi ionthonwaientáhkhwa ne Tsi Kaná:taien aionaktóthahse iahonténniehte tanon ahatiie:na ne kenh non:we thonnonnia:tha. Ne Ionthonwaientáhkhwa ontehnhotón:ko tsieiótte ne Éteweht Iohatákie ne 1967. Khia’teiohserá:ke iote’serehtaká:te tho nón:we aonhà:’a nontá:we tsi ronnetahkwahá:tons ne iontstha’shòn:’a tsi ní:ioht ne ohshwèn:ta tánon onia’tarà:’a, iontstha’shòn:’a wátston ne kénh nón:we thonnonnià:tha tsi ní:ioht ne Courtaulds.Domtar Kahiatonhserí:ios, ICI Tsi thonnonnia:tha tánon thiká:te Okiohkwa’shón:a’ tho nón:we nikanónhsote tsi nón:we iokwèn:rare nè:’e ne Onia’tarà:’a Tsi thatithe’serón:ni.
Tsi nikarì:wes
Tsi kaniataratákie Rotíhshon Tsi Kaná:taien-aktónkie Tsi ionthonwaientáhkhwa rotikwatakwenhákie entewatáhsawen.
Ratikarénies Koráhne tewatahsáhwha enwaterihwahtenkià:ton nè:’e ne Tsi kaná:taien Tsi ionthonwaientáhkhwa ronwatiienawà:se ne kénh nón:we nihonaterihwahtenkià:ton iehontenniéhtha kanonhsó:ton ne tetsiá:ron kakoráhtshera tánon enhonwatiháhrhahse ronohà:’ak ronahtenkià:ton kahonwa’shòn:’a.